Yon vòl ankò andedan tribinal la nan lannuit dimanch 5 jen pou rive lendi 6 jen an, dapre sa redaksyon ZoomHaitiNews te aprann. Biwo plizyè jij ankèt ki gen ladan Ikenson Edumé, Loubens Élisée, Jean Wilner Morin, Brédy Fabien te vandalize. Malfra yo te pran plizyè dosye enpòtan, nou te aprann nan yon sous jidisyè. Remake byen tribinal la te vandalize10 me pase a deja. Biwo komisè gouvènman Pòtoprens, mèt Jacques Lafontant se youn nan sib bandi yo. Omwen sis biwo enstriksyon te vandalize. Kabinè majistra egzaminasyon Ickenson Edumé, jij Mathieu Chanlatte, Jean Wilner Morin, Annie Fignolé, Garry Orélien, jij Ramoncite ACCIME… yo te vandalize yo tout dapre sa chèf pakè te di nan jounal Lenouvelis la. . Pa gen okenn rapò detaye sou objè yo vòlè yo, kalite aksyon sa a k ap vin plede repete andedan tribinal la.
Avril pase a plizyè douzèn avoka manm Bawo Pòtoprens te òganize yon manifestasyon devan rezidans ofisyèl Premye Minis Ariel Henry pou mande demenajman tribinal ki te chita depi apre tranbleman tè 2010 la nan Harry Truman Boulevard nan yon zòn gang ame kontwole.