Pou yon fwa, Ariel Henry soti nan silans li apre yon krim anplis

 Premye minis defakto Ariel Henry kondane asasina 3 manm nan menm fanmi an ak plizyè lòt moun, bandi ak  gwo zam te komèt nan komin Taba samdi 20 dawout 2022 a. Nan yon tweet pibliye, chèf gouvènman defakto a te di ke li te “revòlte pa nouvèl asasina plizyè konpatriyòt pa bandi ame k ap travay nan Taba”. “Gouvènman an kondane ak tout fòs krim sa a, pandan y ap eksprime senpati li bay fanmi ak zanmi viktim yo”.  Sòti nan silans sa Premye Minis defacto Ariel Henry fè anpil moun sezi. Li ki souvan montre endiferans nan moman trajik popilasyon an, sitou pou viktim ensekirite yo. Konpòtman li jije irèsponsab vis-à-vis popilasyon an nan moman difisil yo, yo toujou kritike. Lokatè nan biwo premye minis la souvan montre enterè li nan sa k ap pase nan lòt peyi san li pa di yon mo sou sò konpatriyòt li yo. Ariel Henry, ki twouve li nan yon sitiyasyon difisil ak lavi ki pa sispann ogmante espektakilè ak tout ensekirite a, malgre efò lapolis fè, ap chache fè popilasyon an tounen nan kan li a dapre plis pase yon sèl. Yon parye  kèk moun kwè nan moman fòs politik ak manm sosyete sivil la ap envite popilasyon an pile makadam pou mande depa chèf gouvènman an, ki moun yo di pa rive pou fè peyi a soti nan sa. kriz miltidimansyonèl.