Gouvènè Maura Healey fèk nonmen Audrey Murillo ak Michael Pineault nan Tribinal Jivenil ak Tribinal Siperyè nan Eta Massachusetts.
Dosye 2 kandida sa yo pral transfere nan konsèy gouvènman an pou konfimasyon yo, dapre yon nòt pou laprès ki soti nan biwo gouvènè a.
“Mwen espere nonmen avoka eksepsyonèl sa yo nan tribinal yo,” daprè Gouvènè Healey, ki te fè lwanj kapasite 2 nouvo majistra sa yo. “Audrey Murillo demontre konesans li sou sistèm jivenil la ak angajman li pou asire sekirite ak byennèt timoun Massachusetts yo. Michael Pineault dedye tout karyè li nan sèvis piblik ak defann règ lalwa. Nou rekonesan anvè Konsèy Gouvènè a pou travay li fè nan revize twa nominasyon sa yo,” daprè deklarasyon biwo gouvènè a.
“Audrey ak Michael se yon avoka ki travay di, ki gen konesans ak ki gen eksperyans. Nou fyè pou nou soumèt non yo pou Konsèy Gouvènè a konsidere,” Gouvènè Adjwen Kim Driscoll te ajoute.
2 nominasyon sa yo an amoni ak pwomès kanpay Maura Healy te fè lè l te nan kanpay. Li te pwomèt pou l ranpli rapid plas vid nan sistèm jidisyè Commonwealth nan Massachusetts.
Si l konfime, Audrey Carr Murillo pral ranpli youn nan 42 chèz nan Tribinal Jivenil Massachusetts la anvan yon jij anchèf. Audrey Carr gen trè bon repitasyon nan sistèm jidisyè Etat Massachusetts. Kòlèg li yo nan sistèm nan konnen l kòm moun ki onet epi ki dedye anpil nan travay jidisyè li.
“Audrey Carr Murillo se yon pratikan jistis jivenil akonpli ak avoka defans kriminèl. Kounye a li se yon enstriktè klinik nan Enstiti Jistis Kriminèl nan Harvard Law School, kote li anseye ak sipèvize etidyan lalwa ki reprezante granmoun ak jèn ki endijan yo nan pwosedi kriminèl ak delenkans,” daprè nòt pou laprès biwo gouvènè a pibliye vandredi. Nan not sa li te fè lwaj tou pou nomine nan Tribinal Siperyè a.
“Michael Pineault se yon avoka ki gen eksperyans ak ansyen sèvitè piblik, ki gen plis pase 30 ane eksperyans nan defann ak pouswiv ka sivil konplèks ak zafè kriminèl kolye blan. Li se kounye a konseye nan Anderson & Kreiger LLP e li te pase plis pase dis ane nan Clements & Pineault LLP, kote li te yon ko-fondatè ak patnè, “dapre piblikasyon an.