Komisarya Miragwann nan andomaje depi lè tranblemanntè 12 janvye 2010 ak tranblemanntè 25 janvye 2022 a, komisarya Miragwann nan poko demoli malgre aparans li degrade. Pandan yon konferans pou laprès jjedi 16 fevriye 2023 a, direktè egzekitif òganizasyon solidarite Japonè pou dwa moun (SONID), Marck-Artur Bienvenue te eksprime enkyetid konsènan move kondisyon batima komisarya Miragwann ki te andomaje akoz tranblemanntè 12 janvye 2010 ak tranblemanntè 25 janvye ane pase. Daprè yon ankèt SONID te fè, malgre komisarya Miragwann nan te deplase nan yon lòt espas, polisye yo toujou rete nan batiman an deplore defansè dwamoun. Marck-Artur Bienvenue envite otorite leta yo pou yo aji vit sa pou yo pa mete lavi lapolis ak moun k ap frekante espas sa a an danje. Fòk nou sonje batiman komisarya Miragwann ki kraze nan sant vil la. Sa a reprezante yon danje reyèl pou popilasyon an, gen kèk moun ki rete nan vil Fernand Hibbert ki pè.
Dieuva Occidor
You must be logged in to post a comment.