San kontinye koule nan Matisan lavèy selebrasyon tradisyonèl Nwèl la.
Sendikalis Guy Polinice alyas Ti Guy, ak 2 lòt moun ki te akonpaye li yo pèdi lavi yo 24 desanm nan distri Matisan.
Montès Joseph, kowòdonatè jeneral Federasyon Inifye Transpò Ayiti (FUTRAH), di Montès Joseph te nan yon machin ki t ap retounen sot Jakmèl nan kad yon operasyon distribisyon jwèt nan Sidès ak Nippes nan okazyon Nwèl la lè bandi yo te louvri kou za m sou yo.
Viktim yo te resevwa anpil bal bandi yo t ap tire nan plizyè kote nan Matisan ki nan antre sid kapital la kote bandi yo kontinye teworize popilasyon an.
Plan sekirite lapolis te anonse a pat bay rezilta konvenkan nan 3èm sikonskripsyon Pòtoprens. Gen kèk moun ki rapòte anpil kout zam t ap tire pandan tout jounen 24 desanm nan nan Matisan. N ap fè sonje, biznisman Toms Adamson, pitit fi li Nahomie ak 8 anplwaye SAFICO SA, te kidnape 21 desanm nan nan Matisan.