Rankont ekip Querétaro ak Atlas yo te jwe samdi aswè a, nan non nevyèm jounen nan chanpyona foutbòl Meksik la, te sispann akoz yon gwo eklatman ant fanatik 2 klèb yo nan stad La Corregidora. Apeprè ven sipòtè te blese, medya yo rapòte.
Nan 62yèm minit, match la te oblije sispann paske kèk patisipan te kòmanse anvayi teren an ,vyolans ki te nan tribin yo, kote fanatik tou de ekip yo t ap goumen ak senti, baton, chz ak lòt bagay.
Apre zak vyolans yo, ekip Querétaro ak Atlas, ansanm ak lòt ekip foutbòl Meksiken yo, te fè yon ti deklarasyon kote yo kondane zak vyolans yo epi mande pou yo pini moun ki responsab yo.
“Moun ki responsab mank sekirite nan estad la pral pini nan yon fason egzanplè. Sekirite jwè ak sipòtè nou yo se yon priyorite,” Mikel Arriola, prezidan Liga MX, te ekri sou Twitter.
Prezidan Liga MX la konfime sispansyon rès 9 match la, apre ensidan vyolans ki te fèt nan stad Corregidora.
Federasyon foutbòl Meksiken an anonse ouvèti yon envestigasyon apre vyolans ki te pase nan stad Corregidora pandan match ant Querétaro ak Atlas la ki te fini nan yon eklatman ant patizan 2 ekip yo.
Meksik: 22 fanatik blese pou pi piti nan yon gwo konfli nan estad Corregidora
