Batay kont gang ame ann Ayiti: Washington jistifye sa ki fè sanksyon li yo pran tan konsa

Gouvènman ameriken an defann sa ki fè sanksyon li pran tan dapre sa  yo obsève nan sanksyon Lèzetazini pran kont politisyen ak biznisman ayisyen pou swadizan patisipasyon yo nan finansman gang ame ak koripsyon ann Ayiti. Yon gwo ofisyèl Depatman Deta,  Miami Herald te site, te di jedi pase a “estanda prèv Ozetazini pi wo pase sa ki nan pifò peyi yo e nenpòt desizyon dwe gen prèv pou yo pran l”. “Chak peyi gen pwòp otorite legal pa yo, ki ka fè li yon ti jan gen konfizyon pou kenbe tras de sa chak peyi ap fè,” ofisyèl Depatman Deta Ameriken an te di. “Nou bezwen pote plis prèv sou tab la epi kore prèv sa a. “, li jistifye. Nou rekonèt sitiyasyon ann Ayiti rete ekstrèmman konplèks, difisil, ofisyèl la di Lèzetazini kontinye ap diskite ak potansyèl patnè nan Emisfè Lwès la, Lafrik ak Ewòp pou sipòte demann gouvènman ayisyen an fè pou yon fòs entèvansyon entènasyonal. “Men, gen yon anfaz tou sou nesesite pou aktè politik ayisyen yo mete yo ansanm pi byen, e  sa te fè pati konvèsasyon ki te vrèman domine nan Nassau lè CARICOM nan ”kontinye ofisyèl administrasyon Biden. Ofisyèl Ameriken sa a di li ap tann rezilta travay yon gwoup ekspè Nasyonzini ki fèk deziyen ann Ayiti la “Mwen ankouraje travay yo ap fè epi yo pral fè pou idantifye nouvo sib pou sanksyon miltilateral yo,” Dapre sa ofisyèl la te di.