1 mò ak plis pase 20 blese, sa se rezilta yon terib aksidan nan komin Aquin nan depatman Sid la.
aksidan an te fèt Lendi lè yon kamyon blan ki t ap retounen sot Pòtoprens te fè kolizyon ak yon machin gri ki anrejistre TP-57271, dapre yon nòt Direksyon Lapolis Sid te voye bay reprezantan nou nan Sid John Philosca.
Apre konsta legal la Jij depè Gerson Dupuy, yo te kouri ak viktim yo nan lopital referans Aquin. Chofè machin nan, Diongo konsa li te rele, mouri nan aksidan terib sa a. Li te mouri nan lopital Aquin, malgre dilijans doktè yo.
Yo dekouvwi kadav Beloude yo konnen sou non sa andedan kamyon ki t ap vwayaje san plak la, daprè Jolin Beloude, ki fè konnen se neve moun ki mouri a li ye.
Seyans entèrogasyon ap fèt nan nivo polis Okay sou sikonstans lanmò dam nan. Chofè kamyon an te gen tan sove, daprè PNH Sid la.