Plizyè bandi ki gen gwo zam nan gang Vitelhomme ap fè yon piyaj nan Pènye dimanch aswè a pa lwen Legliz Katolik Fatima a, dapre sa nou aprann. Gwo kout zam t ap chante, rapòte rezidan yo.
Ganstè yo te antre nan plizyè biznis epi yo te ale ak anpil machandiz. Yo mete dife nan plizyè lòt tou. Toujou daprè temwayaj moun ki abite nan zòn nan, bandi yo te barikad e yo te bloke aksè pou lapolis nèt pou yo te kapab komèt zak yo.
Plizyè ajan BOID ak lòt inite espesyalize PNH la pran pozisyon nan Sou-komisarya polis Pènye a, nan zòn sa a yo rele souvan Kafou Pènye. Nou pa gen enfòmasyon sou mezi fòs sekirite yo pran pou dispèse bandi yo epi mete fen nan operasyon yo a.
Etandone fènwa ki domine nan lokalite sa a, lapolis sanble vle eskli nenpòt avans avèg pou pa riske lavi yo devan bandi ki metrize tèren an byen.
Like this:
Like Loading...
Related
