Reprezantan ameriken ki gen orijin ayisyen Sheilla Cherfilus McCormick ranpòte eleksyon primè yo nan 20yèm distri Florid la

 Bon nouvèl pou kominote ayisyen an nan Florid. Manm Kongrè Ameriken ki fèt Ayiti Sheilla Cherfilus McCormick ranpòte eleksyon primè nan 20yèm distri Florid la. Li te kolekte plis pase 65% vòt kont sèlman 29% pou konkiran imedya li Dale Holness ak 6% pou Anica Omphroy, dapre rezilta pasyèl yo. Gen plis pase 85% vòt yo deja konte. Sheilla Cherfilus McCormick pral gen opòtinite pou l prezante elektè yo nan Ventyèm Distri a pou yon manda konplè nan eleksyon mitèm nan Novanm pwochen. Li te eli nan eleksyon espesyal nan mwa janvye 2022. Madan Cherfilus McCormick se youn nan defansè ayisyen ki pi fervan nan Kongrè Ameriken an. Li se manm caucus ayisyen nan chanm bas la.