Tansyon nan divès minisipalite nan depatman Nip, daprè rapò ki fèt. Sou wout nasyonal #2, barikad tout kalite monte nan nivo an patikilye premye seksyon kominal Miragwan, Chalon.
Nan nivo sant vil Fernand Hibbert, lokalite ki gen ladan Gwo Twou “Détour” ak “Dèyè Détour”, bas-du-fort ak Berquin toujou rete bloke ak pye bwa ak wòch. Nan komin Fonds-des-Nègres aktivite yo paralize depi 19 septanm ak madi 20 septanm sa a, jou mache kominal la. Moun ki konsène sitiyasyon sa a denonse endiferans gouvènman defakto Ariel Henry ki pa gen kapasite pou l bay yon repons konvenkan pou l ka jwenn yon solisyon ak mouvman popilè sa a ki pèsiste depi plizyè semèn nan peyi a. Yo rele PM Ariel Henry pou bese tèt li. Fòk nou note ke mouvman yo te lanse kont gouvènman an vin pi grav sitiyasyon an nan komin Miragwan kote yon galon gazolin vann jiska 2,500 goud sou mache nwa a ki rele “gaz a tè”.
