Jean Stanley Morency yon moun ki soti Ayiti asasinen dimanch 12 jen nan yon mini-kazino kote li t ap travay kòm gad sekirite. Daprè premye enfòmasyon yo, yo te touye migran ayisyen an apre yon moun te atake li ak yon kouto. Biwo Pwokirè Eta Bas-California ap mennen ankèt sou omisid entansyonèl sa a. Lè polis minisipal yo te rive, ki te reponn apèl 911 la, Jean pa t vivan ankò. Li sipoze yo te touye depi plizyè èdtan anvan. Sou sèn nan, otorite yo te jwenn chèz ak lòt bagay nan kazino a te gaye, yo te vòlè menm kamera sekirite. Jean Stanley Morency, te gen 29 lane, li te soti depi Ayiti ale Brezil e depi la tankou anpil konpatriyòt li, li te al emigre Tijuana. Depi aplikasyon politik Tit 42 la, gen senk ka imigran ayisyen ki pèdi lavi yo akoz menm sikonstans yo sou fwontyè Tijuana, malgre enplemantasyon yon pwogram ranfòsman sekirite piblik nan vil fwontyè Meksik sa a.
Ducasse Mackendy