Kriz Ayiti: Asistan Sekretè Deta Ameriken Brian A. Nichols rankontre ak Minis Afè Etranjè ayisyen an

Asistan Sekretè Deta Ameriken Brian A. Nichols rankontre Mèkredi ak Minis Afè Etranjè ayisyen an, Jean Généus. Diskisyon yo aksantué kriz ke peyi a ap sibi kounye a. “Mwen kontan rankontre ankò ak Minis Afè Etranjè Ayiti a Jean Geneus pou diskite sou lòt mwayen ki disponib pou kominote entènasyonal la sipòte Polis Nasyonal Dayiti,” Brian Nichols di nan yon mesaj sou kont twitter li. De mesye yo te diskite tou sou “nesesite pou soti nan enpas politik la epi diskite sou vizyon gouvènman ayisyen an pou chimen eleksyon yo”, te ajoute diplomat Ameriken an.