Depatman Deta Ameriken ajoute nouvo pèsonalite sou lis moun li pran sanksyon kont yo paske yo patisipe nan finansman gang ame ann Ayiti. “Anplis deziyasyon adisyonèl 212(a)(3)(C) sa yo, Depatman an te deziyen tou twa ofisyèl ayisyen, tankou Joseph Lambert ak Rommel Bell, dapre Seksyon 7031(c), yon lòt otorite restriksyon sou viza. bay Sekretè Deta Ameriken an ki fè anons sa a nan yon deklarasyon jodi jedi a li raple tou sanksyon yo te deja adopte kont Joseph Lambert, Youri Latortue, Hervé Foucand, tout ansyen senatè sa yo. Anthony Blinken rapòte tou 3 ofisyèl leta ayisyen vin ajoute nan lis la: Ansyen direktè Administrasyon Jeneral Ladwàn nan Rommel Bell, pa gen okenn detay sou non nouvo sanksyon yo. Depatman Deta te deplore tou touye 14 polisye ayisyen nan mwa janvye 2023 sèlman. Malgre ke se sèlman 7 non ki pibliye sou sit entènèt Depatman Trezò Ameriken an, Sekretè Deta a rapòte 44 moun ki te sanksyone sou administrasyon Joe Biden pou swadizan patisipasyon yo nan finansman aktivite kriminèl ann Ayiti. Pou moman sa ameriken yo pibliye sèlman non sa yo:
CELESTIN Rony,
Cherizier Jimmy.
DUPLAN Joseph Pierre Richard,
FOURCAND Hervé,
LAMBERT Joseph,
LATORTUE Youri,
MONCHERY Fednel.
Kanada amande lis li a tou li ajoute non ansyen prezidan pwovizwa a Jocelerme Privert ak Salim Succar yon ansyen manm kabinè ansyen premye minis Laurent Lamothe Ottawa te sanksyone tou. De endividi sa yo vin pwolonje lis pèsonalite ayisyen yo akize ki bay patisipasyon yo nan finansman gang ame ann Ayiti. Pandan plizyè ane, bandi ame ap simen laterè ann Ayiti. Yo touye plizyè santèn moun, vyole, kidnape epi anvayi katye yo. Pou komèt krim yo, gang yo souvan jwenn èd moun ki pi wo grade nan Leta a dapre sa Ameriken ak Kanadyen demontre nan sanksyon yo pran yo.