fbpx

Eleksyon Midterm Ozetazini: 48 èdtan apre, kontwòl Kongrè a toujou ensèten

CTN News

 Vag ble “ekspè yo” anonse an favè Repibliken yo pap fèt. Demokrat yo te defye biwo vòt yo lè yo te limite domaj Repibliken yo te espere. Sepandan, plis pase 48 èdtan apre eleksyon midterm yo, kontwòl Kongrè a toujou ensèten. Jiska apremidi a, pati Donald Trump la te genyen 209 chèz kont 192 pou klan Joe Biden. Repibliken yo bezwen 9 syèj anplis pou yo pran kontwòl alòske Demokrat yo bezwen 26. Yon ekzèsis ki posib matematikman, men li trè difisil lè nou konsidere kandida Demokrat yo an premye nan ven (20) distri sèlman sou 30 ki rete yo. Si Demokrat yo gen mwens sèten pou Chanm Reprezantan an, yo toujou kenbe yon ti limyè nan espwa konsènan Sena a. Jiska apremidi a (11 novanm 2022), Konsèvatè yo te nan 49 chèz kont 48 pou liberal yo. Dènye a, sepandan, ranpòte yon chèz Repibliken nan Eta Pennsilvani kote John Fetterman bat Mehmet Oz pou pran plas Senatè Repibliken Pat Toomey ki deside pran retrèt. Nan Nevada, Senatè Catherine Cortez Masto sanble de pli zan pli ensèten sou re-eleksyon li. Li vin dezyèm dèyè Repibliken Adam Laxalt ak plis pase 80% vòt yo konte. Nan eta Geogia, byenke an premye plas, senatè demokrat sòtan Raphael Warnock pral ale nan dezyèm tou ak ansyen foutbòl Herschel Walker nan dat 6 desanm. Si Demokrat yo pa genyen de chèz yo nan Nevada ak Arizona, yo pral konte sou eta Georgia pou kenbe kontwòl Sena a depi yo genyen omwen yon chèz nan youn nan eta yo mansyone pi wo a.

you're currently offline