Gouvènman an deja voye bay jounal ofisyèl Le Moniteur, dekrè ki fikse salè minimòm nan nan lide pou li pwomilgue, daprè anons Primati Repiblik la, sou kont Twitter li. Dapre dokiman an, ajan nan segman A ap resevwa 770 goud kòm salè chak jou. 615 goud yo te bay moun ki nan segman B, 540 goud nan segman C, 350 goud nan segman E, travayè nan segman F ap resevwa 685 goud, alòske ajan ki nan kategori G ak H ap resevwa 615 goud kòm salè minimòm. Desizyon sa a antre an vigè lendi 21 fevriye a, fè konnen gouvènman an, ki finalman deside sou kesyon salè minimòm lan, ki te soulve anpil enkyetid sitou nan endistri twal la. Jan nou sonje, travayè soutretans yo te pran lari nan kapital la plizyè okazyon pou mande yon salè minimòm 1500 goud. Fen semèn sa a, sendikalis Dominique St-Eloi di travayè yo pa pare pou aksepte 750 goud yo te ofri yo pandan yon rankont ak otorite gouvènman yo.
Like this:
Like Loading...
Related
