Ansyen PM Gérard Latortue, 88 an, mouri lendi 27 fevriye a nan lakay li nan Florid

Fanmi ansyen chèf Primati ayisyen an la te konfime Nouvèl la, Gérard Latortue ki te okipe pozisyon Minis Afè Etranjè anba administrasyon Prezidan Leslie Manigat, ansyen Premye Minis gouvènman tranzisyon an ki te prezide pa Maître Boniface Alexandre nan lane 2004 ak 2006, mouri nan rezidans li Ozetazini. Byen bonè lendi 27 fevriye sa a. Yon ansyen gwo fonksyonè Nasyonzini, Gérard Latortue, ki soti Gonayiv, te rive nan Primati a apre depa fòse ansyen Prezidan Jean Bertrand Aristide la. Li te nonmen kòm chèf nouvo gouvènman tranzisyon an sou enfliyans kominote entènasyonal la nan dat 9 mas 2004 pandan li te abite Ozetazini nan moman nominasyon li an. Latortue, ki pa t gen solisyon an fas a pi popilè “Operasyon Bagdad” la e ki pa t kapab òganize eleksyon nan peryòd 90 jou yo te ba li nan moman nominasyon li a, te deklare, kont tout chans: ”A l´impossible nous sommes tenu’. Yon sitasyon ki toujou refè nan listwa politik peyi a ki sot pase a.