Pandan ensekirite a ann Ayiti, kominote entènasyonal la gen entansyon renouvle manda Binuh nan peyi a. Yon desizyon ki poze kesyon.
Plizyè dizèn moun manifeste jedi sa a devan lokal Biwo Integre Nasyonzini ann Ayiti nan Petyon-vil pou eksprime dezakò yo ak renouvèlman manda BINUH nan peyi a. Atis, sendikalis, manm sosyete sivil ak aktivis te patisipe nan mobilizasyon sa a. Objektif sit-in sa a se denonse renouvèlman manda biwo entegre Nasyonzini ann Ayiti. Pwofesè Josué Mérilien envite popilasyon an pran desten nan men pou yo pou yo soti nan sitiyasyon makab Etazini enpoze atravè misyon sa a. Vini minista ann Ayiti ak kreyasyon BINUH nan dat 25 jen 2019 la, se rasin pwopagasyon gang nan peyi a, kwè sendikalis Josué Méridien. Dapre pwofesè a, Nasyonzini pa gen misyon pou kenbe lapè nan peyi a. Josué Mérilien relan apèl la pou reveye popilasyon an. Atis militan Kebert Bastien, ki te patisipe nan sit-in sa a, raple dènye deklarasyon Helen Meagher Lalime, reprezantan espesyal sekretè jeneral la e responsab BINUH ann Ayiti, ki te ankouraje federasyon gang ame pou diminye ensekirite nan peyi a. . Atis la di li pare pou li goumen ak tout moun ki mete tèt yo nan evolisyon ak pwogrè peyi Dayiti. Pwofesè Josué Mérilien akeyi desizyon Lachin nan nivo Konsèy Sekirite Nasyonzini pou opoze renouvèlman manda BINUH ann Ayiti. Sendikalis la ankouraje lòt peyi nan konsèy la egzèse dwa veto yo pou anpeche renouvèlman BINUH ann Ayiti.
Depi li tabli ann Ayiti pa Rezolisyon 247 Nasyonzini le 25 jen 2019, lis krim BINUH nan peyi a long nan opinyon sendikalis Josué Mérilien. BINUH te kreye pou ranfòse estabilite politik, bon gouvènans ak eta de dwa ann Ayiti. Prezève yon anviwònman lapè ak estab, pandan y ap sipòte yon dyalòg nasyonal enklizif pami Ayisyen, Pwoteje ak pwomouvwa dwa moun, yo sipoze misyon li. Evalyasyon biwo entegre Nasyonzini ann Ayiti twazan apre kreyasyon li a se yon echèk total dapre manifestan sa yo ak anpil obsèvatè. Malgre echèk sa a, Nasyonzini vle a tout pri renouvle manda misyon an. Èske volonte manm Nasyonzini yo se ekspresyon lanmou pou Ayiti oswa enterè peyi manm li yo?