Omwen 20 polisye ayisyen deja debake Ozetazini nan kad pwogram imanitè administrasyon prezidan demokrat Joe Biden mete sou pye a, daprè yon gwo fonksyonè Depatman Deta fè konnen dapre Miami Herald. Jounal Florid fè sonje premye minis ayisyen an, Ariel Henry, te di semèn pase a nan 44èm reyinyon anyèl Chèf Deta ak Gouvènman nan CARICOM genyen pou pi piti 600 polisye ayisyen ki aplike pou paspò yon ti tan apre anons pwogram Imanitè Parole la nan dat 5 janvye 2023 la. Dapre responsab biwo imigrasyon ak emigrasyon an, yon tyè nan ajan Polis Nasyonal Ayiti a ta ka kite peyi a pa rapò ak done sou kantite polisye ki te aplike pou yon paspò pandan peryòd sa a. Plizyè atis ayisyen deja rive Ozetazini nan kad pwogram PAROLE la daprè animatè kiltirèl yo. Pami yo gen de atis fi trè popilè: Danola ak Vanessa Désiré.
Pwogram PAROLE: Apeprè vingt polisye ayisyen deja Ozetazini
