Prezidan Ameriken Joe Biden, 79, teste pozitif nan COVID-19

Prezidan ameriken an te teste pozitif nan kowonaviris jedi. Mezon Blanch te anonse nouvèl la  . “Maten an, Prezidan Biden teste pozitif nan COVID-19. Li te pran vaksen konplè epi li te resevwa de rapèl, “te di pòtpawòl Mezon Blanch lan nan yon deklarasyon. Dapre rekòmandasyon doktè li a ak Sant pou Kontwòl Maladi Enfektye (CDC), Joe Biden te kòmanse pran Paxlovid, yon grenn antiviral oral moun ka pran lakay  pou anpeche pasyan ki gen gwo risk yo al lopital.” Pou moman sa a, chèf leta Ameriken an nan izolasyon. Dapre pòtpawòl Mezon Blanch lan, Jean-Pierre, li te gen sentòm trè modere e li te ajoute ke Mesye Biden “ap kontinye fè travay li nèt pandan peryòd sa a. Li te an kontak ak manm pèsonèl Mezon Blanch lan nan telefòn maten an, epi li pral patisipe nan reyinyon pwograme nan Mezon Blanch lan maten an nan telefòn ak Zoom soti nan rezidans li. Yo prevwa 46yèm Prezidan Etazini an pou l rete izxole jiskaske li teste negatif dapre rekòmandasyon CDC yo ak pwotokòl Mezon Blanch lan. Premye dam Jill Biden, evidamman an kontak sere ak mari l, te teste negatif. Men, li toujou planifye pou izole tèt li. Pou kounya, Mezon Blanch lan ap eseye trase moun yo ak ki moun Joe Biden te an kontak fizik. Chèf leta a te nan Massachusetts yè kote li te bay yon diskou devan plizyè dizèn moun e li te bay lanmen plizyè patisipan. Se pou premye fwa depi viris la parèt  chèf leta Ameriken ki gen 79 lane an teste pozitif. Li pran vaksen ak doub vaksen. Pou gwosè laj 79 lane li a Mesye Biden se youn nan kategori moun ki riske.