Dan Jerry Toussaint, mouri premye janvye nan Laboul 12, nan vil Ptyonvil, nan lès Pòtoprens, pandan yon operasyon lapolis, Redaksyon ZoomHaitiNews konfime sa.
Li mouri anba de pwojektil gangstè tout moun konnen ki rele Ti Makak.
Operasyon sa a te vize deloje manm gang sa a ki baze jisteman nan zòn Fessard e ki ap simen laterè nan komin nan.
Enspektè lapolis Dan Jerry Toussaint mouri imedyatman. Yon lanmò ki vin lague Lapolis Nasyonal la nan lapenn nan kòmansmman ane 2022 a.
Dapre dènye estatistik òganizasyon dwamoun yo, preske 200 gang ame resanse andedan peyi a. Pifò otorite, lidè politik yo ak manm sektè prive a ta nan tèt ansanm ak gang ame sa yo ki kontinye gaye dezolasyon ak dèy nan sosyete ayisyen an nan ogmante ka kidnapin ak asasina, sitou nan zòn metwopolitèn Pòtoprens.