Nippes (Miragwann): 6 moun mouri pami yo yon polisye ak yon avoka

Yon sitiyasyon tansyon te dirije Mèkredi 26 Avril 2023 sa a nan lokalite “Abraham”, yon zòn nan 4yèm seksyon kominal Miragwann, Sen Michèl, apre yon konfli tè ant de fanmi. Dosye a terib. Yo anrejistre 6 moun ki mouri ak 3 blese grav. Plizyè machin ak kay te boule, rapòte bay ZoomHaitiNews plizyè temwen sèn nan. Jij depè tribinal distri Sen Michèl, Webert Georges Toussaint ki fè rapò legal la revele idantite viktim yo. Yo se Jacquy Edmond, enspektè lapolis Jean François Frantz “alias Didi”, avoka Arismon Saint-Clair, Jonel Deriva, Jean Smith Chéry, yon Jeyomèt ak Bertino Hilairesaint. Gen kèk nan viktim yo ki te mouri ak zam lan, majistra a te di. Li fè konnen tou li te idantifye 5 twou pwojektil nan kò Me Arismon Saint-Clair, 3 nan youn nan janm li, youn nan dèyè l ak yon lòt nan vant. Blese yo te kouri nan lopital ki pi pre a pou suivi ki nesesè yo.

Dieuva Occidor