Negosyasyon politik: Premye Minis Ariel Henry nonmen reprezantan li yo pou dyalòg ak patizan Akò Montana elaji

Premye Minis defakto Ariel Henry te finalman te chwazi 9 siyatè akò 11 septanm lan pou dirije negosyasyon ak aktè gwoup Montana elaji yo pou yo ka jwenn yon fason pou sòti nan kriz la. Aktivis politik André Michel ak Marjorie Michel nan sa yo rele sektè demokratik ak popilè, sekretè deta pou entegrasyon moun andikape yo, Gérard Joseph, sekretè jeneral prezidans la, Josué Pierre Louis, ansyen senatè Edmonde Supplice Beauzile ak Louis Gerald Gilles, sitwayen Domingue Borgela, doktè Emile Herald ak sitwayen Alix Richard se manm komisyon sa a, nou aprann nan yon sous ki pwòch Premye Minis la. Nou sonje gwoup Montana elaji te deja devwale reprezantan li yo, ansyen depite Patrick Joseph, Hugues Célestin ak Antoine Rodon Bien Aime, sitwayen Magalie Comeau Denis, sendikal Jacques Ted St-Dic, sitwayen Dunois Eric Cantave ak Ernst mathurin, pou patisipe nan negosyasyon yo ak Premye Minis la ak ekip li a nan yon lide pou yon rezilta pozitif nan kriz divès aspè ke peyi ap travèse. Nou te aprann tou aktè gwoup Montana ki elaji yo te eksprime rezèvasyon pou premye minis defakto Ariel Henry pap patisipe dirèkteman nan negosyasyon yo paske li pa fè pati komisyon 9 manm akò 11 septanm lan.