Plizyè mò ak blese grav nan Lokalite Cange, nan depatman Sant, apre yon aksidan sou wout.
Trajedi a te parèt lè yon kamyon ki t ap soti Mirebalè, te fini kous li sou yon “bann rara”, nan mitan lannwit 22 pou rive 23 desanm.
Bann nan ki te nan mitan wout la, te anime yon veye nan lokalite a.
Anpil moun mouri ak blese te anrejistre, daprè yon temwen ki endike blese yo te evakye nan 3 lopital nan vil Mirebalais.
Gen kèk moun ki soufri ka zo kase grav, daprè sa on sous konfime pou ZoomHaitinews.
Vil Cange fwontyè ak twa vil: Mirebalais, Lascahobas ak Boucan Carré nan depatman Sant an Ayiti.
Korespondan ZoomHaitiNews nan Mibalè deja sou plas. N ap pote plis detay pandan jounen an.