Ayiti-Ensekirite:Yo kidnape Kat anplwaye ONA nan Pòtoprens

Télé Pluriel fè konnen 4 anplwaye Biwo Nasyonal Asirans Vyeyès sa yo kidnape nan mitan jounen madi 5 jiyè 2022 a nan Mache Salomon. Sa yo se twa enspektè ak yon chofè ki plase nan biwo ONA nan Delmas 17. Anplwaye ONA yo te monte barikad kawotchou ki t ap boule sou otowout Delmas, saki te lakoz trafik machin , toupre katye jeneral enstitisyon an ant Delmas 17 ak Delmas 19, pou yo te ka pwoteste kont zak sa a. Yo mande pou yo lage kòlèg yo epi fini ak fleo sa a ki kontinye ap pòv popilasyon an. Inite obsèvasyon krim nan sant analiz ak rechèch sou dwa moun yo endike nan dènye rapò li a ke li te idantifye 326 ka kidnapin, ki gen ladan 36 etranje ki soti nan 9 peyi ak 15 kidnaping kolektif, pandan dezyèm trimès 2022 la. ogmantasyon de 44.8% konpare ak premye trimès la, dapre CARDH la. 53 kidnapin te anrejistre pou mwa avril la, kont 118 pou mwa me a, yon ogmantasyon de 117%, ak 155 pou mwa jen an, respektivman yon ogmantasyon de 192% ak 31%, endike CARDH la. Sant pou analiz ak rechèch sou dwa moun fè remake ke bandi yo gen machin ki gen kò diplomatik e menm plak BINUH anplis anrejistreman Polis Nasyonal Ayiti a.