Ajan PNH yo kontinye viktim klima ensekirite a nan Pòtoprens

Bandi ame nan Thomassin 48 assassinen twa polisye nan pwomosyon 25,26 ak 28 PNH la dimanch sa a. Pierre Paul Junior Dorcely, Nicolas Robenson, ak Medèze Fortilien te tonbe nan yon anbiskad moun ki gen anpil zam pandan yon patwouy lapolis nan zòn nan, daprè SYNAPOHA22, youn nan òganizasyon sendikal enstitisyon polis la. Yo  viktim nan yon anbiskad bandi ki t ap simen laterè nan zòn nan depi lontan, daprè depatman kominikasyon PNH la ki te voye “senpati li bay fanmi ak kòlèg polisye viktim yo nan kad travay yo.”, nan yon deklarasyon sou paj Facebook li, Premye Minis la, chèf Konsèy Siperyè Polis Nasyonal la (CSPN) nan di li deplore zak mechan sa a kont ajan PNH yo. “Frè polis nou yo jodi a, yon lòt fwa ankò, tonbe anba bal ansasen bandi san fwa ni lwa. Nou deplore zak sovaj sa yo, “Ariel Henri te ekri sa nan yon mesaj sou kont twitter li. Premye Minis defakto a te ajoute: “Nou voye kondoleyans sensè bay fanmi ak konfrè  vanyan polisye sa yo ki viktim,  epi nou asire yo “solidarite” nou. Nan mwens pase 4 mwa, gen plis pase ven polisye ki asasinen. Lapolis pa ekipe pou fè fas ak bandi ki gen zam pou fè lagè. Anpil tantativ pwotestasyon kèk ajan PNH pou mande pi bon ekipman ak kondisyon travay pa bay okenn rezilta.